النشرة الفنية| انهيار إيناس عز الدين على الهواء وحسام حبيب يرد على تصريحاته في برنامج رامز
تصدر عدد من الفنانين، الترند ومحركات البحث خلال الساعات الماضية في سادس أيام شهر رمضان الكريم، وأبرزها انهيار إيناس عز الدين على الهواء وحسام حبيب يرد على تصريحاته في برنامج رامز جلال.
ويرصد خاص عن مصر، أبرز وأهم الأخبار الفنية التي مرت على مدار اليوم وذلك في النشرة الفنية التي نرصدها في السطور التالية.
انهيار إيناس عز الدين على الهواء
أثارت المطربة إيناس عز الدين الجدل على «السوشيال ميديا»، وذلك عقب تداول أنباء عن علاقة والدتها بخطيبها، الأمر الذي صدم الجمهور عبر «السوشيال ميديا».
وفي لقاء إيناس عز الدين مع الإعلامية إنجي هشام في برانامج «أوضة وصالة»، سألتها المذيعة عن سؤال جريء للغاية وهو كالتالي: «الست اللى خطفت خطيبك واتجوزته تبقى والدتك»، الأمر الذي جعل إيناس تدخل في حالة هيسترية من البكاء.
وردت عليها إيناس وهي تبكي قائلة: «أنا أسفة إكرامًا لأمي اللى ربتني وتعبت فيا اللى هى جدتي هعتذر عن الإجابة»، وعقب تصدرها الترند وتداول اسمها خرجت إيناس لترد على هذه التصريحات.
وقالت: «بعتذر للناس إني تكلمت من قلبي كده، واعتذر لو كنت موجوعة، وبعتذر لو أي حد اتوجع لوجعي كنت بتمنى أكون ضيفة خفيفة، لكن لأول مرة أكون كتاب مفتوح كده ساعات بنحس إن لو ما اتكلمناش هنموت، وأنا لأول مرة أتكلم في حياتي من قلبي».
حسام حبيب يرد على تصريحاته في برنامج رامز
فيما تصدر الفنان حسام حبيب، الترند خلال الساعات الماضية عقب حلقة مقلبه في برنامج رامز جلال «رامز إيلون مصر»، والتي كشف خلالها عن تدميره لحياة شيرين عبدالوهاب.
وقال حسام حبيب في تصريحات صحفية: «رامز أكيد بيهزر لأنه عارف أن الكلام اللي بيقوله ده مش حقيقي، رامز إنسان محترم، ولو في حاجة حقيقية مش هيهزر فيها. هزاره تقيل شوية، لكن عايز أقول للناس اللي بتهاجم، لو زعلان، زعلان عليكم مش منكم، لأن الموضوع بسيط».
حسام حبيب يكشف تعرضه للظلم
وأضاف حسام حبيب رسالة لجمهوره قائلاً: “شكرًا لكل الناس اللي بتدافع، لكن اعملوا زيي، أنا عمري ما دافعت، ولا اتكلمت، ولا هنزل لمستوى الخناقات والمعركة دي. المعركة أصلاً مش معركتي، وأنا واثق في أفعالي، وأخلاقي، وتربيتي، وفي خوفي من ربنا. قلت للناس قبل كده، وضعت سيرتي عند ربنا، فما فيش حاجة تشغلني».
وأضاف: «ربنا قال: ‘وَعِزَّتِي وَجَلاَلِي لَأَنْصُرَنَّكَ وَلَوْ بَعْدَ حِينٍ’، وأنا واثق في وعده وقدرته، وخايف على الناس لأنني واحد منهم. ده اللي اتعلمته واتربيت عليه، أني محطش طرف تالت بيني وبين ربنا. ربنا عدل، رحمن رحيم، غفور قادر».
واختتم حسام حبيب تصريحاته قائلاً: «بتمنى للناس حياة سعيدة وسلام وصحة. ربنا قادر يعوضني ويجبر بخاطري بعد التجربة دي، ويعطيني حياة جديدة وذُرية صالحة ونجاح مش بس في الشغل، في حياتي بشكل عام. أنني أرضي أهلي. مكنتش أعرف هيقول إيه في المقدمة، وده كله هزار. لو حد هيزعل من هزار، يبقى بيصغر مخه. مفيش حاجة تزعلني، أنا عارف إن الكلام ده مش صح، وعمرى ما هزني. هو رامز هزاره تقيل وناس كتير بتزعل منه، بس طالما هزار، معنديش مشكلة خالص. ضحك الناس، وربنا يقدرني وأرد له المقلب ده في يوم من الأيام».
اقرأ أيضًا: حلقة حسام حبيب مع رامز إيلون مصر.. الإنسان الآلي ينتقم وأسرار جديدة تنكشف
