تجددت حلقات النزاع والخلاف بين المطربة شيرين عبد الوهاب وطليقها حسام حبيب خلال الساعات الماضية بعد تصريحات من الطرفين.
وكانت السنوات الأخيرة قد شهدت أكثر من أزمة بين الثنائي أمام الجماهير بعد عدة مناوشات انتهت مؤخرًا بانفصالهما.
وشهدت الساعات الماضية فتح الموضوع من جديد حيث اتهم كل طرف الآخر بعدد من الاتهامات من جديد ليشتعل الموضوع مرة أخرى.
بينما تصدرت أزمة شيرين عبد الوهاب وحسام حبيب من جديد مواقع التواصل الاجتماعي وأصبح جزء جديد من حديث الشارع المصري.
وكان حسام حبيب قد أطلق عدة تصريحات صحفية خلال الأيام الماضية يدافع فيها عن نفسه ضد الاتهامات التي وجهتها له طليقته.
وأكد المطرب في تصريحات لـET بالعربي أنه يرفض فكرة العودة نهائيًا لشيرين واصفًا الأمر بأنه سجن يريد أن يتحرر منه.
حسام حبيب: شيرين عبد الوهاب سجن ومش عايز أرجع
وقال حبيب: “الموضوع مش بالعافية أنا مش عايز أرجع، وأنا اللي في سجن وعايز أتحرر منه، أنا اللي تعبت واستحملت إهانات بقالي سنين على حاجات محصلتش، وعمري ما اشتكيت ولا اتكلمت ولا دفعت عن نفسي عشان میطلعش شكلها وحش بس خلاص كدا أنا فاض بيا”.
وأضاف المطرب أنه سيكشف كل الأمور أمام الجمهور مثلما حدثت مع طليقته ولن يحافظ هذه المرة على مكانتها لدى الجماهير.
اقرأ أيضًا.. تفاصيل مباراة مصر وإسبانيا لكرة اليد في أولمبياد باريس 2024
كما صرح: “كل حاجة هتتقال للناس زي ما حصلت بالظبط، أنا عمري ما طلعت أسرار حد بره ولا عمري ما كنت هعمل كده بس خلاص أنا اضطريت لكده الحياة مش بالعافية أنا مش عايز أرجعلها، وأنا اللى بستنجد بالناس وبقولهم نجمتكم الكبيرة اللى بتحبوها من سنين كثيرة عايز أبعد عنها ومش عارف أتصرف إزاي واستنجد بمين، وأنا بدعي ربنا قدامكم أهو يارب عايز أبعد عنها يارب ومش عارف أعمل إية”.
وتابع: “أنا تعبت بجد وسنين من الظلم والإهانة وبسكت ومبردش، وكل الكلام اللي كانت بتقوله غلط كله هو في حد يكون ضارب حد وفتحله دماغه، ويعتذر له عادي، وقبلها كنت حالق شعرها وتعتذرلي عادي، ويرجعله تاني هو في حاجة اسمها كدا”.
كما علق حبيب على اتهامات شيرين عبد الوهاب بخصوص تهديدها له قائلًا: “بهددها بإيه دا اللي هي قالته للناس أقوى من أي تهديد أي اللي عندي أهددها به، وأقول ربنا كبير لحد ما أظبط ورقي وأكلم المحامين بتوعي عشان أعرف أخد حقي ومش هتنازل المرة دي خالص، وهاخد حقي بالقانون لأني عملت حساب للعشرة أكثر من مرة، وكل مرة بيطلع أكثر من اللي قبله”.
حسام يرد على اتهامات شيرين له بالسرقة
وعن الاتهامات بسرقته خزنة شيرين عبد الوهاب، قال حسام حبيب: “أنا عايز أعرف إزاي سرقتها، هل دخلت وأنا لابس طاقية الإخفاء، ومحدش شافني، وكل مرة سرقة وكلام أقل بكتير من أني أعلق عليه، كل شوية أنا صرفت وعملت وأنا يستنجد بكل الناس ارحموني منها، دا ذنب أنا عملته في حياتي أنا مش عارف إية دا”.
وأتم: “لسة هطلع أتكلم كمان بكل التفاصيل، ومش بقول كدا عشان خاطر أخوفها، لا دا حقي عشان كل شوية يتقال كلام عني وعن أهلي، وأنا مش بشكر في نفسي الحمد لله ومتربي ومن عبلة كويسة جدا ومتربى في أماكن كويسة”.
رد شقيق شيرين على تصريحات حسام حبيب
في الوقت نفسه خرج محمد عبد الوهاب شقيق شيرين عبر حسابه على موقع التواصل الاجتماعي للرد على حسام حبيب.
وكتب محمد عبد الوهاب عبر صفحته: “أنت يابن الجزمة طالع تقول أنا متربي وعيلتي احسن ناس ده انت أمك اتطردت قدامك الساعة ٤ الفجر بعد ٣ ايام جت البيت عندها هي واختك عادي وكأن مفيش حاجة حصلت زيرو كرامه بالوراثة”.
وأضاف: “وابوك أنا وانت اتفرجنا على فضايحه مش عايز أفسر عشان الناس متقرفش اكتر ماهي قرفانه عيلة ايه يا لوسي يا سبوبه انت فاكر الناس بتصدق الهبل ده طب ماتقول كده للناس العيلة دي بتصرف منين ولا أوريهم أنا بالصوت والصورة”.
