جنازته اليوم.. تعرف على وصية تامر ضيائي قبل وفاته
حالة من الحزن انتابت الوسط الفني بعد رحيل الفنان تامر ضيائي الذي وافته المنية اثر تعرضه لهبوط حاد بالدورة الدموية بعد دخوله في مشاجرة مع أحد أفراد الأمن أثناء تواجده بأحد مستشفيات الأورام من أجل جلسة الكيماوي الخاصة بزوجته، إلا أنه سقط أرضًا بعد دقائق بالمستشفى.
تشييع جثمان الراحل تامر ضيائي
شيع جثمان الفنان تامر ضيائي من مسجد السيدة نفيسة ظهيرة اليوم الخميس عقب أداء صلاة الجنازة على الجثمان، وحرص عدد كبير من نجوم الفن والأهل والأصدقاء المقربين من الفنان الراحل على الحضور وتقديم واجب العزاء وهم الفنان حمزة العيلي، الفنان محمد علي رزق، الفنان أشرف زكي، الفنان أحمد صفوت، الفنانة لقاء سويدان، الفنان منير مكرم، الفنان وائل عبد العزيز.
وأعلن الفنان محمد علي رزق خبر وفاة الفنان تامر ضيائي عبر حسابه الرسمي على “فيسبوك” وقال: “لا حول ولا قوة إلا بالله، صديقي وأخويا الكبير عشرة عمري تامر ضيائي في ذمة الله، الله يرحمك يا تامر ويجعلك من اهل الجنة ويعوضك عن تعبك في الدنيا، نسألكم قراءة الفاتحة والدعاء له بالرحمة والمغفرة”.
اقرأ أيضا.. رسميًا.. مجلس النواب يوافق على برنامج الحكومة الجديدة ويمنحها الثقة
وصية الفنان تامر ضيائي
كشف الراحل تامر ضيائي عن وصيته بعد تعرضه لأزمة صحية خلال الفترة الماضية، وكتب: “بوست الوصية، ده هيفضل باين على صفحتي لحد ما أموت، الحقيقة اللي كلنا عارفينها ومتأكدين منها أننا كلنا ربنا كاتب لنا إننا نموت في ميعاد محدد غير معروف، وعشان كده كتبت الكلام ده لأني محتاج حاجات معينة تتعمل وحاجات خايف تتعمل وأنا مش عايز حد يعملها لمجرد إنها معروفة، ووقتها طبعًا مش هعرف أقولها لحد”.
وأشار الراحل تامر ضيائي في وصيته لـ 10 نقاط هم:
- صلاة الجنازة أهم من العزاء وهي اللي كل ما العدد زاد كل ما ثوابي ما كان اكتر، فأرجوكم تصلوا عليا.
- مش شرط تيجي العزاء وياريت لو يتعمل في البيت أو مكان بسيط بفلوسه تطلعولي صدقة جارية أفضل.
- كم فضلكم لم يثب أو يتفق عليه عمل ختمة قران للمتوفي إنها هتوصله، بس مثبت إن الدعاء والصدقة بيوصلوا للميت، فرجاء دي بالذات بلاش وادعوا لي الوقت اللي هتقرروا فيه جزء فضوا نفسكم وأقعدوا أدعوا فيه.
- بلاش صدقة جارية تقليدية وسهلة ومش مستفاد بيها يعنى المصاحف كتير فى مصر أوى وكل بيت فيه كتير فممكن نحط الفلوس فى جامع بيتبنى أو كرسى متحرك فى مستشفى يستفيدوا بيها المرضى أو دخول مياه لبيت غلابة أو بناء سقف لبيت فقراء، حاجات ناس تستفيد بيها لمدة طويلة”.
- دي نقطة مهمة أوى بالنسبة ليا.. محدش يقول لحد بتعيط عليه ليه، ومتعيطش عشان هو بيتعذب!! الكلام دة غلط، سيبوهم يعيطوا لحد ما يطلعوا كل الشعور اللى عندهم ومفيش حاجة بتقول إن العياط معناه عدم رضا بقضاء ربنا “وأبيضت عيناه من الحزن فهو كظيم”.
- أهم حاجة تاني هي الدعاء وبس والصدقة”.
- من فضلكم تكثروا الدعاء وقت نزول القبر وتتصدقوا بأى حاجه بنية إن ربنا يجعل قبري روضة من رياض الجنة ويثبتني عند السؤال لأن ده أهم وقت ليا وياريت كمان بعد ما تدفنوني أقعدوا معايا شوية ومتستعجلوش تمشوا عشان تونسوني في ليلة زى دي”.
- الموت علينا كلنا حق وإحنا كلنا أمانات ربنا وهيردنا تانى، فالحزن على الفراق هونوا على نفسكم بالدعاء ليا عشان أبقى في سعادة لحد ما أقابلكم تاني”.
- اللي بيحبوني يدعولي كتير عشان لو مفيش حد يدعيلي”.
- دى مهمة أوي عاوز الكل يسامحني على أي حاجه عملتها فيه بقصد أو بدون قصد”.