أول قرار من الزمالك مع زيزو بعد تأكد توقيعه للأهلي

كشف مصدر في الزمالك، عن أول قرار من جانب النادي، بعد التأكد من توقيع أحمد سيد زيزو لاعب الفريق، لصالح الأهلي للانضمام لصفوفه في صفقة انتقال حر.

وتحدث المصدر، أن الزمالك تأكد من توقيع زيزو للأهلي، للعب ضمن صفوفه بداية من الموسم المقبل.

أول قرار من الزمالك مع زيزو بعد تأكد توقيعه للأهلي

وقرر نادي الزمالك، استبعاد زيزو من قائمة الفريق لمباراة ستيلينبوش الجنوب أفريقي، في إياب ربع نهائي الكونفيدرالية.

وقال المصدر: “تأكدنا من توقيع زيزو للأهلي منذ الشهر الماضي، وتحديدًا يوم 12 مارس”.

وأتم: “تم الاتفاق مع الجهاز الفني على استبعاد اللاعب من قائمة المباراة”.

وكان الزمالك تعادل مع ستيلينبوش سلبيًا في مباراة الذهاب بجنوب أفريقيا.

اقرأ أيضًا .. أخبار الزمالك .. شيكابالا يحدد موعد اعتزاله

كان اللاعب قال عبر ستوري بحسابه الرسمي بموقع التواصل الاجتماعي انستجرام:

وقال زيزو: “الحمد لله. أنا راجل بحترم كل الناس، لكن للأسف عدم ردي علي المعلومات المغلوطة والتزامي، كل ساعة خبر عن توقيع أو تجديد عقد زيزو، وكل واحد بيغازل الشريحة اللي عايزها من الجمهور، بسبب خبر رايح وخبر جاي”.

وأضاف: “بكل وضوح أنا لم أوقع لأي نادي سواء داخل أو خارج مصر، اللي حصل على توقيعي يتفضل يعلن، إذا كان كلامه صحيح؟، كمان اللي عنده دليل على توقيعي لأي نادي برضو يتفضل يطلعه على الملأ”.

وأكمل: “الناس لازم تعرف كويس، أنا بقدر جدًا الكيان الكبير اللي أنا بلعب فيه، ولا يمكن أنكر فضله عليا، لكن فيه حاجة أنا مكنتش حابب أتكلم فيها خالص، لأنه للأسف الأمور في الإعلام كلها في إتجاه واحد”.

وتساءل زيزو: “ليه محدش اتكلم عن حقوقي المشروعة زي أي لاعب في الدنيا، ليه محدش اتكلم إن الناس سابتني بقالها شهور طويلة ومش عايزين يجددوا عقدي؟ ليه محدش اتكلم عن المستحقات المتأخرة اللي ليا بقالها كتير؟ ومش لاقي حد يجاوبني؟”.

وأكمل تساؤلاته قائلًا: “ليه محدش اتكلم إنه التجديد المرة دي جاي في مرحلة متقدمة من عمري بالنسبة للعيبة الكورة؟ ولعيب الكورة مهما طول، عمره قصير في الملعب”.

وتابع: “وأكيد كل واحد فيكم عنده أسرة، وعليه التزامات كتير، محدش كمان اتكلم إنه ربنا سبحانه وتعالى أنعم عليا بعروض مقابلها المالي 5 أضعاف العرض اللي موجود، ورغم كل ده، قلت وهفضل أقول أنا منتظر كلمة النادي، وده لإعتبارات كتير، مش لتجميل الصورة، والجماهير لازم تكون عارفة الحقيقة”.

وواصل: “زيزو مش بيزايد، ولا بيتاجر، لكن لازم الطرف التاني يكون عايزني أكمل، وتكون فيه استجابة لربع المعروض عليا على الأقل، لكن للأسف الكلام معايا حاجة، واللي بيتقال للإعلام حاجة تانية”.

مهلة لتجديد العقد

وأضاف: “أنا مينفعش أجرّح في حد، ولا أتكلم في حق حد، لأن اللي بيتقال في الجلسات عيب يتقال برة، على الأقل من ناحيتي، أنا مستني رد النادي لحد آخر يوم في الكونفدرالية، وأتمنى ربنا يكرمنا بيها أنا وزمايلي”.

وأردف: “أي كلام هيتقال غير كدة في موضوع التجديد أو التوقيع قبل الموعد ده، هيكون كلام غير صحيح، ورسالتي الودية جدا للمسئولين في النادي اللي أنا بحترمهم جميعا”.

وأتم: “أتمنى الحوار في مسألة تجديد العقد يكون بيني وبينكم، مش عن طريق الإعلام، وأنا كنت ولا زلت واضح معاكم في كل اللي اتكلمت فيه من أمور عادلة تساعدنا على إننا نكمل الطريق، شكرا على تفهمكم موقفي”.