خرج الفنان حسام حبيب عن صمته بعد تداول تسجيل صوتي له وهو يهاجم عائلة طليقته الفنانة شيرين عبد الوهاب.
ونشرت الصفحة الرسمية لموقع “ET بالعربي” على “انستجرام” تسجيل صوتي للفنان حسام حبيب حذر خلاله من تداعيات ما يتم تداوله من قبل رواد مواقع التواصل الاجتماعي.
وعلق حسام حبيب: “الفويسات دي والحاجات دي أنا مصرحتش بيها ومتسربة من تليفوني ودي جريمة يعاقب عليها القانون، وأي حد هيشير كلام أنا لم أصرح به للصحافة والإعلام سأتقدم ببلاغ ضده”
مضيفًا: “بحذر أي حد يستخدم أي فويس من الفويسات دي، تاني حاجة محتوى الموضوع إن أخو شيرين مضى توكيل بأثر رجعي ولا يحق له التوكيل أو يمضي بأثر رجعي أو إنه يتنازل على السوشيال ميديا بتاعة شيرين بدون علمها ده متقدم بيه بلاغ رسمي من المستشار ياسر قنطوش للنيابة والنائب العام”.
واستكمل: “أنا مش بقول كلام مرسل او اتهامات مش موجودة، إنما بقول اتهام شيرين اللي مقدمه بيه بلاغ عن طريق المحامي ياسر قطنوش، بيقول نفس الكلام ده أنا مبقولش كلام من عندي، وأعتقد الناس قبل ما تهاجم المفروض تفهم إيه السبب اللي مانع شيرين النهاردة على أن هي تتواصل مع جمهورها أو تنزل أغاني جديدة”.
وتابع: “الجمهور هيتسببوا في مشاكل كبيرة بين شيرين وشركة الإنتاج بتاعتها، أعتقد ده رأيي يعني أن الناس تفهم ليه شيرين متعطلة ومش عارفة تنزل حاجة، وسبحان الله أنا مقصدش أقول أي حاجة أو أصرح على لسان شيرين عن أي حد، أنا بتكلم في محادثة خاصة على تليفوني أن حد ياخدها ويسربها وينزلها ده شيء غير أخلاقي”.
وأنهي حديثه: “أي حد هيتداول التسجيلات الصوتية يبقى بيعمل نفس الجريمة، أنا بحذر أي حد يتناول أو ينزل هذه الفويسات على لساني لأني لم أصرح بها والمحتوى بتاعها سليم ومتقدم بيها بلاغات في النيابة، أي حد هيتكلم عني من الجمهور أو موقع صحفي هتقدم ضده ببلاغ ومش هتنازل عنه”.
وتداول رواد مواقع التواصل الاجتماعي تسجيل صوتي للفنان حسام حبيب خلال الساعات القليلة الماضية وهو يهاجم عائلة الفنانة شيرين عبد الوهاب، وتحدث عن محاولة توريطها في أزمة كبيرة مع شركة روتانا.
انفصلت الفنانة شيرين عبد الوهاب عن زوجها الفنان حسام حبيب نهاية العام الماضي، وأكد الخبر الإعلامي عمرو أديب عبر برنامجه “الحكاية” الذي يعرض على قناة “Mbc مصر”.
https://www.instagram.com/p/C8ctPUmuDHn/
