كشفت إصابتها بمرض السرطان لأول مرة.. أبرز تصريحات كندة علوش مع منى الشاذلي

استضافت الإعلامية منى الشاذلي، الفنانة كندة علوش ببرنامجها “حلقات خاصة” الذي يتم عرضه على قناتها الرسمية على “يوتيوب”.

وكشفت الفنانة كندة علوش لأول مرة عن تفاصيل إصابتها بمرض سرطان الثدي، وعن رحلة العلاج مع زوجها الفنان عمرو يوسف، إلى جانب إصابة والدتها بنفس المرض بعد شهر من تشخيص كندة بالمرض، ومدى تأثير خبر إصابتها بمرض السرطان على من حولها، وعن السبب وراء عدم التحدث عن الأمر خلال الفترة الماضية.

كندة علوش تكشف إصابتها بمرض السرطان

تحدثت الفنانة كندة علوش عن إصابتها بمرض السرطان وتلقيها العلاج الكيماوي والإشعاعي وانها لا تزال تتلقى العلاج حتى الان وقالت: ” أنا لسه بتلقي العلاج، ولسه مخلصة العلاج الإشعاعي من 6 أشهر وفيما بعد العلاج الكيماوي والورم اللي كان عندي تطلب كل ده، والورم كان باله فترة ولما عرفت بعد أقل من أسبوع كنت باخد أول جلسة علاج كيماوي وكان بشكل أسبوعي وكنت بسمع مأسي لكن الرحلة كانت لطيفة، الحمد لله بفتكرها بلطف وذكريات لطيفة أنا وعمرو في الأول كنا بنروح وانا كنت بقعد اقرا قران”.

كندة علوش عن السبب وراء عدم الكشف عن مرضها

“انا في صديقة عزيزة كانت خفت من سنين، وقالت لي عشان تخففي من جلسات الكيماوي خلي معاكي شلة وصحاب وجيت أعمل كده معرفتش، وكنت عايزة أعمل الرحلة لوحدي وحتى عمرو مكنتش عايزاه ييجي كنت بقرأ قرآن أو اتأمل أو بنام، ومش عايزة أنصح الناس تعمل زيي، وجزء اني متكلمتش أني مكنتش عايزة اتعامل كمريضة في البيت أو بره، ولو كنت عايشة في المود ده كنت تعبت، واختارت أني أكون طبيعية ومكنتش عايزة اخلي أولادي يحسوا بده وأدخلهم فكرة المرض في البيت”.

رحلة كندة علوش وزوجها عمرو يوسف مع المرض

“مكنتش عايزة أحس أني عيانة وكان بيبقى صعب أوقات كتير، وكنت بنزل 4 ساعات لحد عيادة الدكتور وكانت الجلسة مرهقة جدًا، وبرجع بعدها 4 ساعات برضه والاقي ولادي عاوزين يلعبوا وكنت ببقى مش قادرة لكن كنت بخبي ده والتفاصيل دي ساعدتني أني أعدي الرحلة بسلاسة وبساطة وإيجابية، الحقيقة أصحابي اللي حواليا كانوا مهتمين أوي وبيطمنوا عليا بشكل دائم وأنا اللي شوية كنت قافلة الباب وكانوا بيزعلوا مني”.

“اكيد فكرنا هنقول أو لا واتفقنا اننا مانقولش واول ما طرحنا الفكرة قولنا مش هنقول، وليه مقولتش بعد ما عدى سنة وليه النهاردة بقول عشان مش عايزة قالقة الناس واا عايز اظهر وانا تعبانة ومرهقة ومش عايزة احبط الناس وعايزة اتكلم في اللحظة اللي اي للناس امل واقول لكل انسان بتعدي بالموضوع ده خديها ببسالطة ودي نعمة من ربنا وأقوي باللي حواليكي وقولي الحمد لله أن الطب بقى قادر يعالج الحاجات دي، وعشان العامل النفسي يعني الحزن والاسى والخوف بيزودوا الموضوع ده كل من بيغذي النوع ده من الأمراض”.

كندة علوش تكشف عن إصابة والدتها بنفس المرض

“اي حد عارفني، عارف علاقتي بأمي هي صديقتي وسندي وربنا يخليها لي، ومن يوم ما اتجوزت وخلفت وهي معايا وهي من النوع اللي بيساعد من غير ما تحس بوجوده، وشالت معايا تقل كبير ومكنتش حاسة ان حد شايل التقل ده”.

“والحقيقة الكسرة الحقيقة كانت اني بعد شهر اكتشفت ان ماما عندها نفس المرض ف الثدي اليمين، ونوع الورم كان مختلف وكانت صدمة اكبر بكتير من معرفتي بإصابتي بالمرض، وكانت في سوريا ورجعت وكنت حريصة اني ماخدهاش معايا الجلسات عشان ما احسش انها زعلانة، وقالت لي ان فيه كتلة كده وروحنا عند نفس الدكتورة وكلمني المعمل وقالي ان والدتك عندها نفس المرض، والخبطة دي هي الي خدت مني وقت عشان استوعبها، ومفيش لثانية قولت ليه يارب انا وامي في نفس الوقت؟، قولت ربنا عاوز يوصل لي رسالة وهي اهتمي بمامتك اكتر اهتمي بصحتك اكتر وانا مديكي نعمة”.

اقرأ أيضًا.. “إحنا معاك” حملة جديدة يطلقها حزب “مستقبل وطن” لطلاب الثانوية العامة بالمنيا

“ماما عملت العملية وبدأنا أنا وهي ناخد جلسات الكيماوي مع بعض، وشعري وقع 60 % منه واشتريت باروكة وملبستهاش ووقع من كل راسي، مكانش فيه بؤر بس الحمد لله موقعش كله لكن ماما وقع كله وهي بتخاف مش زيي وكنت ببقى قلقانة وخايفة على خوفها”.