أثار الفنان الكبير محمد صبحي الجدل بتصريحاته خلال وجوده ضيفًا على برنامج “نظرة”، من تقديم الإعلامي حمدي رزق و الذي يعرض على قناة “صدى البلد”.
وتطرق صبحي خلال حديثه عن عدة موضوعات منها ارتداء الرجال الإكسسورات النسائية، وأن النظريات العلمية التي تؤكد أن الأرض ليست كروية، وعن التغيير المناخي الذي سيكون له تأثيرًا كبيرًا خلال الفترة المقبلة، وعن رأيه في مركز “تكوين” الذي تم الإعلان عنه مؤخرًأ، إلى جانب رايه حول تقديم المرأة في الدراما التلفزيونية.
محمد صبحي يحذر من قوى شر عالمية
وأكد محمد صبحي ان هناك قوى شر عالمية تؤثر على العالم أجمع وليس فقط في مصر، وأننا دائمًا بنفصل نفسنا عن حركة العالم إلا فقط في التبادل التجاري والصناعي، والتبادل الفكري مش موجود أنت مش واصل لبره وإعلامنا مش واصل لبره”.
محمد صبحي: “الأبحاث أكدت أن الأرض ليست كروية”
قال محمد صبحي: “أنا مش بتنبأ إنما في معلومات عندنا بتقول أن الشهور القادمة فيها خطورة مناخية ابتدوا يمهدوا لها، والأبحاث أثبتت أن الأرض مش كروية تصور، وبيقولوا ان فيه مساحات مهولة مش نهاية الأرض لأ ده فيه أراضي انت متعرفهاش ولا هتوصلها”.
اقرأ أيضا.. أبرزهم “عمر الشريف وجيجي حديد”.. مشاهير تعرضوا لمواقف محرجة
محمد صبحي ورأيه في مؤسسة “تكوين”
الموضوع بقى صراع بين ناس مندوبين ربنا وناس بيقولوا احنا اللي مندوبين ربنا، وطبعًا ده فتنة وممنوع حد كده يطلع على التلفزيون ويهرتل، وكان فيه برامج دينية كانت فعلا بتوعينا وبنسمعها وهو برنامج واحد في الأسبوع، انما لما تقعد بقى تعملها مكلمة ونتكلم انا اسف مش هي دي القضية اللي مأخرانا”.
محمد صبحي يعلق على ارتداء الرجال للحلق
إسفاف الفكرة أخطر من تطبيقات اللفظ، الخبثاء اللي بيقولك أحنا بنحاكي الواقع، وانهاردة فيه رجالة بتلبس حلقان ويقولك دي حرية شخصية، ولو حاجة شخصية خاصة بيه تبقى في بيته، ولو كده انا هقلع ملط وهمشي في الشارع وانت مابتصليش وهمشي معاك بنفس المنطق، ولما تيجي تقعد قدامي لابس حلق مش هحترمك قطعًا ولو عاوز تلبس حلق ألبسه في البيت ولو تلبس قميص نوم معاه يبقى هايل عشان يبقوا ماشيين مع بعض، دي مش بلدنا ولا عروبتنا ولا إسلامنا واللي بره عرفوا يوصولنا نعملها”.
محمد صبحي: “المراة يا إما عاهرة أو مدمنة في 90% من المسلسلات”
“90% من المسلسلات فيها المراة يا إما عاهرة أو مدمنة مخدرات أو منحلة، ودي مش حرية إبداع، دي حرية قلة أدب وهدم للوطن”.
