بعد أزمته مع ويجز.. رد قوي من توليت على رامي صبري عقب تصريحاته الأخيرة

خلال الساعات الماضية أثار المطرب رامي صبري جدلًا كبيرًا عبر مواقع التواصل الاجتماعي، بسبب تصريحاته الأخيرة عن مغني الراب وانتقاده بشكل مباشر لـ “توليت و “ويجز”، وذلك أثناء استضافته في برنامج “حبر سري” مع الإعلامية أسما إبراهيم.

انتقاد رامي صبري لـ توليت

قال رامي في البرنامج: “معرفش توو ليت ليه يستحق أنه يتصدر التريند ويكون رقم واحد، ومحدش يعرف هو مين، والأغاني اللى من النوع ده والرابر ده حته تانية غيرنا”.

رد توليت على تصريحات رامي

ليرد توليت على تلك التصريحات عبر حسابه الشخصي على إنستجرام، معلقًا: “جرب تركز في المزيكا أكتر وبلاش تقول رأيك اللي ملوش أي لازمة، بالذات لو في حد ناجح أكتر منك وأصغر منك.. خليك قدوة وشجع الناس يا محبوب”.

أثارت تصريحات رامي غضب مغني الراب ومن ضمنهم توليت وويجز، وذلك لأنه ذكر اسمهم بشكل مباشر منتقدًا أعمالهم ونجاح أغانيهم.

أزمة رامي صبري وويجز

جدير بالذكر أن رامي صبري وويجز بدأ بينهما خلاف بعد استضافة الأول في أحد اللقاءات التلفزيونية، وقال: “ويجز زعلان مني ومش عارف ليه أنا قلت إني مش بفهم كلامه ودي حقيقة بس قلت عليه إنه بيعمل مزيكا حلوة ومجتهد”.

رد ويجز على الانتقادات

علق ويجز في فيديو نُشر على حسابه الشخصي على إنستجرام على تلك التصريحات، قائلًا: “هتكلم على فنان فاكر أن عنده صلاحية يتكلم على أي حد والناس تسمع وتسكت، الفنان دا أسمه رامي، رامي كل ما يقعد 4 أو 5 شهور يزهق يطلع يتكلم على بتوع الراب والهيب هوب”.

واستكمل: “هتتكلم أمتى على فنك ومجالك وبتوع البوب اللى أنت منهم، أنت متفهمش في الراب حاجة زي ما قولت قبل كدا، فمش هتعرف تعمله، لو لقيت واحد بيعرف يسوق عجلة وأنا مش بعرف فهحترمه، لو حد بيعمل حاجة وأنا مش بعرف أعملها هحترمه، أنت مش بتقدر الفنانين دول”.

وأصاف: “أنت شايفهم أنهم عاوزين يوصلوا في ليفل أنت فيه، في حين أنهم معدينك، أنت مش رقم 2 يا رامي، أنت رقم 19، بعيد أوي بجد”.

واختتم كلامه معلنًا عن أغنيته الجديدة وقال: “ستنوا اغنيتي الجديدة يوم 27، أغنية مش هقولكم عبارة عن إيه، أستاذ رامي ممكن يقولنا، ويشرح لنا الأغنية بتقول ايه، دا لو فهم”.